Is dit reg as ons na mekaar kyk en die vermoë toets en dan ‘n opinie maak en dan ‘n uitlating?   2017-11-24

Spreuke 17:3 Die smeltkroes is vir die silwer en die oond vir die goud, maar die HERE toets die harte.

 

 

Het jy al gewonder, waarom ons wat in verhoudings staan … vir mekaar … sulke lelikke goed kan sê? Sonder om te dink oor die ander se gevoellens? Oh – ja … solank ons net reg is! Solank ons net wen! Solank ons opinie net gehoor word!

 

 

Het jy al na die tyd gesit en gaan nadink, en vir jouself gesê … was ek nie dalk nou lelik gewees nie? Het ek al ooit vir myself afgevra … hoe sou ek voel as die ander person sulke lelikke goed van my gesê het?

 

 

Om silver skoon of eerder “pure” - te kry / of goud / word dit deur ‘n proses gesit. So ook met ons … ons word net deur sekere lewensprosesse gesit. En in al hierdies … toets die Here ons harte, nie ons vermoë nie.

 

 

Anders as wanneer ons na mekaar kyk en die vermoë toets en dan ‘n opinie maak en dan ‘n uitlating!

 

 

Dis hier waar ons kleitrap! Dis net hier waar ons faal! Dis net hier waar ons ‘n oordeel trek volgens ons eie verwysings raamwerk!

 

 

Dis net nie reg nie! Vir elke person wat dalk saam met ons sal stem is daar 10 wat nie saam ons sal stem nie … hulle sal dalk nog eerder sê … dis nie die regte manier nie!

 

 

Mag die Here ons die vermoë gee om na die bedoelling van die hart te kyk en nie oor iemand anders se vermoëns ‘n oordeel te vel nie.